Արդեն ավարտին է հասնում հեռավար-առցանց ուսուցման չորրորդ շաբաթը։ Այս չորս շաբաթների ընթացքում ես հասցրի ձանձրանալ հեռավար-առցանց ուսուցումից։ Առաջին շաբաթը շատ ոգևորված էի, սակայն ժամանակի հետ սկսեցի հոգնել դասերի մեծ քանակից, նրանից, որ ամբողջ օրը զբաղված եմ լինում դասերով։ Այս ամենի միակ դրական կողմը այն է, որ ստիպված չեմ առավոտյան շուտ արթնանալ։
Մեծ պլաններ ունեի կապված ինքնակրթության, հոբբիներով զբաղվելու վերաբերյալ, սակայն հիմա ոչ մի հավելյալ բանով չեմ զբաղվում՝ միայն դասեր։ Շատ էի ցանկանում գրքեր կարդալ, իմ հոբբիով՝ ասեղնագործությամբ, սպորտով զբաղվել։
Դասերը, ինչ խոսք, հետաքրքիր են անցնում, տարատեսակ հետաքրքիր առաջադրանքներ, նախագծեր ենք կատարում։ Հուսով եմ այս կարանտինը շուտ կավարտվի, և ես կգնամ քոլեջ արդեն ֆիզիկապես։
Անի Բարսեղյան 